خبز النان المحشي

خبز النان المحشي بجبن تشيدر والمارتديلا

المقادير والطريقه:

في الخلاط يوضع :
ملعقه كبيره خميره
نصف فنجان سكر
شويه ملح

استخدمت هنا علبه ابو قوس لان ماكان عندي حليب سائل ولابودره
وضعته بكاس واضفت عليه ماء الى اخره ثم وضعته بالخلاط واضفت نصف كاس ماء
طبعا الماء اللي اضفتيه على الحليب يكون دافئ

اللي عندها حليب بودر او حليب سائل
تضع كاس ونصف ماء حليب مع الخميره والسكر والملح
اخلطيهم بالخلاط

ثم اضيفي الدقيق واستخدمت تقريبا
3 كاسات دقيق وممكن تزيد
اهم شي تكون العجينه طريه جدا وغير ملتصقه باليد
ضعي العجينه في وعاء بلاسيتك مدهون مسبقا واتركيه نصف ساعه في مكان دافىْ حتى يتخمر

يكون ملمسها طري ولين ومرنه

بعد النصف ساعه كوريها الى كور حسب رغبتك
اذا بغيتي قرص الخبز يكون كبير كبري كوره العجين والعكس اذا بغيتي حجم قرص الخبز صغير

ثم ادهني كل كوره بالزيت يعني غرقيها وافرديها

بعدالفرد

الحشوه:

تكونين محضره تقريبا 3 علب جبن تشيدر مبشوره +نصف علبه مارتديلا مبشوره وتخلط مع بعض
افضل علبه روبيرت اظن اسمها كذا لون العلبه خضراء هي اطعم والذ وطعمها يسطل

مقدار العجين راح يعطيك 15 قرص تقريبا او يزيد

احشي كل قطعه بعد الفرد ملعقه كبيره من الحشوه

ثم ارجعي سكريها مره ثانيه
وهكذا الى ان تنتهي كور العجين اللي عندك

ارجعي افرديها بعد ماتغرقيها بالزيت مره ثانيه
ويكون فردك شوي متين ـــــــــ زي قرص البيتزا

تكونين مشغله الفرن من تحت وفوق ويكون بداخله صينيه التحضير ومدهونه حتى يكون حار
بعدها طفي النار العلويه واتركي اللي تحت شغال على درجه متوسطه

طلعي الصينيه اللي كانت بالفرن
ثم صفي الاقراص المفروده فوقها ودخليها الفرن مره ثانيه اوتركيهاا تقريبا 5 او دقايق وافتحي الفرن

راح تشوفينها بها الشكل منتفخه وبعض الخبز ماراح ينتفخ مو مشكله

ثم ولعي النار من فوق وتكون عاليه حتى يحمر الخبز

وهذا شكلها من جوى

وهنا بجبن فقط

امممممممممممممم

ومع كاسه شاي ولا احلى
لا تحرموني من ردودكم

» التوست المحشي بـطعمية